Қаламқас мұнайшылары модульді жатақханаға ие болды

Қаламқас кенорында «Caspian FOOD» ЖШС инвестициялық жобасы аясында салынған №3 модульді жатақхана қолданысқа берілді.

Заманауи үлгідегі бұл 50 орынды жатақхананың кондиционерлі бөлмелері су жаңа жиһаздармен, төсек орындармен, теледидармен, тоңазытқыштармен жабдықталған. Әр бөлмеде санитарлық тораптар бар.

Жатақханадағы мұнайшылардың демалыс залында теледидар орнатылып, ыңғайлы жұмсақ дивандар қойылған.

«Қаламқастағы мұнайшыларымыздың тұрмысын жақсарту маңызды мәселелердің бірі, Бүгінде кенорынына қарасты 46 жатақхана бар. Оның 3-еуі модульді нысандар санатына кіреді», – деді «Қаламқасмұнайгаз» ӨБ бастығының әлеуметтік мәселелер жөніндегі орынбасары Мұрат Батыршаев.